Niderlandlar Patyşalygynyň Eýndhowen şäherinde ýekşenbe güni Halkara zenanlar güni mynasybetli sergi geçirildi. Onuň dowamynda aýratyn hem Türkmenistanyň Belgiýadaky ilçihanasynyň türkmen milli egin-eşikleri we şaý-sepleri bilen tanalýan “Mengli Secrets World Fashion” moda öýi bilen hyzmatdaşlykda guran pawiliony sergä gatnaşyjylaryň ünsüni çekdi.

Bu pawilion Türkmenistanyň medeni mirasyny şöhlelendirip, onda türkmeniň özboluşly şaý-sepleri, saz gurallary, milli egin-eşikleri we kitaplar görkezildi. Serginiň esasy mazmumy 2024-nji ýylyň şygaryna, Magtymguly Pyragynyň mirasyna bagyşlandy. Bu barada Türkmenistanyň Belgiýadaky Ilçihanasy habar berdi.

Türkmenistanyň Belgiýadaky ilçisi Sapar Palwanow Magtymguly Pyragynyň gündogar dünýäsiniň edebi mirasyna goşan goşandyny aýratyn belläp, Türkmenistanyň milli medeniýetiň dürlüligini buýsanç bilen görkezdi.

Medeni festiwalda köp ýurtdan pawilionlar ýygnandy, olaryň hersinde milli ruh we aýal-gyzlaryň medeni däp-dessurlary ösdürmäge we ýaýratmaga goşan goşandyny görkezýärdi.

Medeniýet festiwaly köp sanly ýurtlaryň pawilionlaryny bir ýere jemledi we olaryň her biri milli ruhuň, medeni däp-dessurlaryň ösmegine we ýaýramagyna zenanlaryň aýratyn goşandynyň beýany boldy.