Awtomobil ulagynda daşamak işini amala aşyrmaga hukuk berýän ygtyýarnamany almak üçin zerur bolan resminamalaryň sanawy

Awtomobil ulagynda daşamak we ulag-ekspedisiýa işleri amala aşyrmaga hukuk berýän ygtyýarnamany almak üçin zerur bolan resminamalaryň sanawy

Ýuridik şahs üçin

1. Ygtyýarnamanyň berilmegi hakyndaky arza (bellenen görnüşde)

2. Arzanyň ýanyna goşulýan resminamalaryň sanawy we olaryň sahypa sany;

3. Ýuridik şahslaryň ýeke-täk döwlet sanawyndan göçürme (tassyklanan görnüşi);

4. Esaslandyryş resminamalaryň nusgalary (Şahadatnama, Tertipnama);

5. Ynanç haty ýa-da hyzmatyň şertnamasy ýa-da ygtyýarnamanyň dalaşgäriniň wekiliniň ygtyýarlygyny tassyklaýan buýruk;

6. Isleg bildirilen hyzmatlaryň ugry boýunça işiň ygtyýarlylandyrylýan görnüşini amala aşyrmak üçin maddy-enjamlaýyn binýady barada maglumatlary (bellenen görnüş boýunça doldurylýar – tablisa 1);

7. Ygtyýarlandyrylýan iş amala aşyrylanda degişli işgäriň awtomobil ulag serişdeleriniň ulanyş howpsuzlygy üçin jogapkär diýlip bellenendigini tassyklaýan buýrugyň göçürme nusgasy hem-de şol işgäriň ýörite okuw mekdebini tamamlandygy baradaky diplomynyň göçürme nusgasy;

8. Ygtyýarnamanyň dalaşgäriniň we (ýa-da) sürüjileriň (zähmet şertnamasy boýunça doly iş güni bilen işleýänler) düzüminiň hünär derejesiniň (kwalifikasiýalarynyň) bellenen düzgünlere laýykdygyny tassyklaýan resminamalaryň nusgalary. Ýagny:

   1) Sürüjileriň sanawy, degişli kategoriýalardaky awtomobil ulag serişdelerini dolandyrmaga hukuk berýän sürüjilik şahadatnamalarynyň nusgalary;

   2) Awtomobil ulag serişdeleriniň sürüjileriniň lukman gözegçilik-barlagyndan geçendiklerini tassyklaýan lukman güwänamasynyň (083 görnüş) asyl nusgasy.

9. Işiň ygtyýarlylandyrylýan görnüşini amala aşyrmak üçin, ygtyýarnamanyň dalaşgäriniň awtomobil ulag serişdelerine eýeçilik etmäge hukugynyň bardygyny tassyklaýan resminamalaryň (awtomobil ulag serişdeleriniň bellige alynanlygy hakyndaky güwänamanyň – ýagny tehniki pasportynyň) ýa-da olary beýleki kanuny esaslarda peýdalanmaga hukugynyň bardygyny tassyklaýan resminamalaryň (kärende şertnamasy we ş.m.) nusgalary;

10. Ygtyýarlandyrylýan işiň görnüşine («kiçi klaslaryna, görnüşlerine») görä, awtoulag serişdesiniň goşmaça enjamlaşdyrylyşyna we daşky keşbiniň bildirilýän talaplara laýyk gelýändigi barada serediş delilnamasy hem-de guratlyk hatynyň nusgasy;

11. Awtomobil ulag serişdeleriniň ätiýaçlandyrylandygy baradaky şertnamalaryň (şahadatnamalaryň) göçürme nusgalary;

12. Awtobuslar bilen ýolagçylary gatnatmak işleri göz öňünde tutulan halatynda, awtomobil ulag serişdesiniň ulanylyş möhleti onuň öndürilen ýyly hasaba alynmazdan 10 ýyldan köp bolan ýagdaýynda degişli edaralaryň wekillerinden ybarat bolan ýörite toparyň «Ulanyş möhleti geçen ýolagçy gatnawyny amala aşyrýan awtobuslary barlagdan geçirmegiň delilnamasynyň» nusgasy;

13. Öň alnan ygtyýarnamalary, şol sanda awtomobil ulagynda daşamak işini amala aşyrmak üçin hukuklarynyň bardygy baradaky maglumatlar.

Fiziki şahs üçin

1. Ygtyýarnamanyň berilmegi hakyndaky arza (bellenen görnüşde)

2. Arzanyň ýanyna goşulýan resminamalaryň sanawy we olaryň sahypa sany;

3. Hususy telekeçi hökmünde ygtyýarnamanyň dalaşgäriniň döwlet tarapyndan bellige alnandygy hakyndaky resminamanyň nusgasy;

4. Ygtyýarnamanyň dalaşgäriniň pasportynyň nusgasy;

5. Isleg bildirilen hyzmatlaryň ugry boýunça işiň ygtyýarlylandyrylýan görnüşini amala aşyrmak üçin maddy-enjamlaýyn binýady barada maglumatlary (bellenen görnüş boýunça doldurylýar – tablisa 1);

6. Ygtyýarnamanyň dalaşgäriniň - hünär derejesiniň (kwalifikasiýalarynyň) bellenen düzgünlere laýykdygyny tassyklaýan resminamalaryň nusgalary. Ýagny:

   1) Ygtyýarnamanyň dalaşgäriniň ýa-da onuň sürüjisiniň - degişli kategoriýalardaky awtomobil ulag serişdesini dolandyrmaga hukuk berýän sürüjilik şahadatnamasynyň nusgasy;

   2) Awtomobil ulag serişdeleriniň sürüjisiniň lukman gözegçilik-barlagyndan geçendiklerini tassyklaýan lukman güwänamasynyň (083 görnüş) asyl nusgasy;

7. Işiň ygtyýarlylandyrylýan görnüşini amala aşyrmak üçin, ygtyýarnamanyň dalaşgariniň awtomobil ulag serişdelerine eýeçilik etmäge hukugynyň bardygyny tassyklaýan resminamalaryň (awtomobil ulag serişdeleriniň bellige alynanlygy hakyndaky güwänamanyň – ýagny, tehniki pasportynyň) ýa-da olary beýleki kanuny esaslarda peýdalanmaga hukugynyň bardygyny tassyklaýan resminamalaryň (kärende şertnamasy we ş.m.) nusgalary;

8. Ygtyýarlandyrylýan işiň görnüşine («kiçi klaslaryna, görnüşlerine») görä, awtoulag serişdesiniň goşmaça enjamlaşdyrylyşyna we daşky keşbiniň bildirilýän talaplara laýyk gelýändigi barada serediş delilnamasy hem-de guratlyk hatynyň nusgasy;

9. Awtomobil ulag serişdeleriniň ätiýaçlandyrylandygy baradaky şertnamalaryň (şahadatnamalaryň) göçürme nusgalary;

10. 10. Awtobuslar bilen ýolagçylary gatnatmak işleri göz öňünde tutulan halatynda, awtomobil ulag serişdesiniň ulanylyş möhleti onuň öndürilen ýyly hasaba alynmazdan 10 ýyldan köp bolan ýagdaýynda degişli edaralaryň wekillerinden ybarat bolan ýörite toparyň «Ulanyş möhleti geçen ýolagçy gatnawyny amala aşyrýan awtobuslary barlagdan geçirmegiň delilnamasynyň» nusgasy;

11. Öň alnan ygtyýarnamalary, şol sanda awtomobil ulagynda daşamak işini amala aşyrmak üçin hukuklarynyň bardygy baradaky maglumatlar.

1. Bellenen görnüş boýunça Türkmenistanyň Ministrler Kabinetiniň ýanyndaky Ulag we kommunikasiýalar agentliginiň adyna arza (iş görnüşleri görkezmek bilen); (gaýtadan almak, möhletini uzaltmak)

2. Esaslandyryjy resminamalaryň nusgalary;

- ýuridik şahs üçin – Ýuridik şahslaryň ýeke-täk döwlet sanawyndan göçürme, (EGRPO, Şahadatnama, Tertipnama tassyklanan nusgalary) ygtyýarnamanyň dalaşgäriniň adyndan resminamalary resmileşdirmäge hukugyny tassyklaýan resminamanyň nusgasy (ynanç haty, buýruk ýa-da hyzmatyň şertnamasy);

- fiziki şahs üçin – hususy telekeçi hökmünde döwlet tarapyndan bellige alnandygy hakyndaky resminamalaryň nusgasy (bellige alnanlygy barada şahadatnama, pasportyň nusgasy);

3. Işiň ygtyýarlylandyrylýan görnüşini amala aşyrmak üçin, maddy-tehniki enjamlaýyn binýady barada maglumatlar (awtomobil ulag serişdelerine, edara binasyna, ammar jaýlaryna, ýükleýji-düşüriji gurallara we beýleki desgalara eýeçilik etmäge ýa-da olary beýleki kanuny esaslarda peýdalanmaga hukugynyň bardygyny tassyklaýan resminamalaryň nusgalary); (tablisa 1)

4. Ygtyýarnamanyň dalaşgäriniň - edara görnüşli tarapyň (ýuridiki şahs) awtoulag kärhanasynyň ygtyýarlylandyrylýan işe ýolbaşçylyk etmäge hukugynyň bardygyny we awtomobil ulag serişdeleriniň ulanyş howpsuzlygy üçin jogapkär diýlip bellenendigini tassyklaýan buýrugyň nusgasy we bu şahsyň ýörite okuw mekdebini tamamlandygy baradaky diplomynyň nusgasy (eger-de işgär sany 50 we ondan köp bolsa);

5. Hukuk salgysyny we/ýa-da işiň görnüşiniň amala aşyrmakçy bolýan ýerini peýdalanmaga hukugyny tassyklaýan resminamalaryň nusgasy (Edaranyň ýerleşýän ýeri we/ýa-da kärende ýeri);

6. Ygtyýarnamanyň dalaşgäriniň we işgärler düzüminiň (sürüjileriň zähmet şertnamasy boýunça doly iş güni bilen işleýänler) hünär derejesiniň (kwalifikasiýalarynyň) bellenen talaplara laýykdygyny tassyklaýan resminamalaryň nusgalary, (wezipe sanawy); (tablisa 2)

- sürüjileriň sanawy, degişli kategoriýalardaky awtomobil ulag serişdelerine erk etmäge hukuk berýän sürüjilik şahadatnamalarynyň nusgalary; (diňe awtomobil ulagynda daşamak işini amala aşyrjak dalaşgärler üçin)

- ýükler ugur boýunça daşalanda awtomobil ulag serişdeleriniň sürüjileriniň taýýarlaýyş we gaýtadan taýýarlaýyş meýilnamalary boýunça okuwlary tamamlandyklary baradaky sürüjileriň hünär (kwalifikasion) şahadatnamalarynyň nusgalary; (diňe awtomobil ulagynda daşamak işini amala aşyrjak dalaşgärler üçin)

- awtomobil ulag serişdeleriniň sürüjileriniň lukman gözegçilik-barlagyndan geçendiklerini tassyklaýan lukman güwänamasynyň asyl nusgasy; (diňe awtomobil ulagynda daşamak işini amala aşyrjak dalaşgärler üçin)

7. Ygtyýarnamanyň dalaşgäriniň:

- Ekologik pasporty;

- Ýangyn howpsuzlyk kepilnamasy;

- Tehniki howpsuzlyk sertifikaty;

- Arassaçylyk we keselleriň öňüni alyş, gigiýena kadalaryna we düzgünlerine laýyk gelýändigi barada sertifikat. (diňe ýuridiki şahslar üçin)

8. Awtoulaga gerek resminamalar (Awtomobil ulag serişdeleriniň talap edilýän kadalaşdyryjy hukuk, tehniki kadalaşdyryjy namalara hem-de awtomobil ulaglary boýunça Türkmenistanyň gatnaşýan halkara şertnamalaryna gabat gelmegine geçirlen barlagyň netijenamasy (asyl nusga), bellige alnyş güwänamasynyň (tehpasport), guratlyk hatynyň, awtomobil ulag serişdeleriniň ätiýaçlandyrylandygy baradaky şertnamasynyň (awtoulagyň döwlet belgisi ýazylan bolmaly) nusgalaryny; (diňe awtomobil ulagynda daşamak işini amala aşyrjak dalaşgärler üçin)

9. Awtomobil ulaglarynyň ýolagçylarynyň, sürüjileriniň hökmany döwlet ätiýaçlandyrmasy baradaky şahadatnamasynyň - şertnamasynyň nusgalary; (diňe awtomobil ulagynda daşamak işini amala aşyrjak dalaşgärler üçin)

10. Ozal alnan ygtyýarnamalary, şol sanda awtomobil ulagynda daşamak we ulag-ekspedisiýa işlerini amala aşyrmak üçin hukuklarynyň bardygy baradaky maglumatlary (ilkinji gezek ygtyýarnama alýanlar muňa girmeýär)

11. Kärhananyň adyndan ygtyýarnamany almak üçin gelen wekiliň ynanç hatynyň we pasportynyň nusgasy;

Awtomobil ulagynda daşamak işi

Ykdysady işleriň görnüşleriniň döwlet klassifikatoryna laýyklykda ygtyýarlylandyrmaga degişli işiň görnüşleri («kiçi klaslary,görnüşleri»)