Türkmenistandaky rus raýatlary 17-nji martda Russiýanyň prezident saýlawlaryna gatnaşyp Wladimir Putine 95,82% ses berdiler. Bu barada sng.today Russiýanyň Merkezi saýlaw komissiýasynyň maglumatlaryna salgylanyp habar berdi.

Türkmenistanda bäş sany saýlaw uçastogy bardy, olara 2751 rus raýaty geldi, olaryň 2636-sy Putine ses berdiler.

Türkmenistanda geçirilen ses berişligiň netijelerine görä, Nikolaý Harytonow ikinji ýeri eýeledi. Oňa 41 adam (1,49 göterim) ses berdi. Wladislaw Dawankow 32 ses aldy (1,16 göterim). Leonid Slutskä 20 adam (0.73 göterim) ses berdi.

Ilkinji gezek ses beren ýaş rus raýatlaryna ýatdan çykmajak sowgatlar berildi.

Russiýanyň Türkmenistandaky ilçisi Iwan Wolynkin saýlaw wagtynda belläp geçdi:

“Bu saýlawlary ýurduň sebitlerinde gurnamaga kömek eden Türkmenistanyň häkimiýetlerine çuňňur minnetdarlygymyzy we sag bolsunymyzy bildirýäris, ähli zat kadaly ýagdaýda hiç hili gyşarnyksyz dowam edýär. Ýene bir gezek aýdasym gelýär, Aşgabatdaky merkezi häkimiýetlere we sebitlerdäki häkimiýetlere köp sag bolsun aýdýaryn!"

Maglumat çeşmesi: turkmenportal.com