20-nji martda Ýakutiýada «Aziýanyň çagalary» atly VIII halkara sport oýunlarynyň alawynyň estafetasy badalga aldy.

Öňde boljak sport baýramçylygynyň tumary Modun atly mamont boldy.

Estefata Ýakutiýanyň 36 sebitiniň ählisiniň üstünden geçer. Alaw göterijileriň umumy sany 550 adama barabar bolup, olar 37 müň kilometr çemesi menzili külterlärler. Estafeta 26-njy iýunda guraljak «Aziýanyň çagalary» atly VIII halkara sport oýunlarynyň resmi açylyş dabarasynda tamamlanar.

«Aziýanyň çagalary» atly VIII halkara sport oýunlarynyň ýaryşlary Ýakutiýada 25-nji iýunda başlanar we 7-nji iýulda tamamlanar. Ýaşajyk türgenler sportuň 24 görnüşi boýunça medallar toplumynyň 239-sy ugrunda bäsleşerler. Öňde boljak ajaýyp sport baýramçylygyna Türkmenistanyň türgenleri hem gatnaşarlar. Ýygyndy toparymyzyň gutarnykly düzümi soňra kesgitlener.