Ýurdumyzda adamlaryň saglygyny berkitmek, sporta bolan söýgini artdyrmak we köpçülikleýin sporty ösdürmek maksady bilen her ýyl geçirilmesi asylly däbe öwrülen «Türkmenistan — ruhubelentligiň we sagdynlygyň ýurdy» atly sport ýaryşlaryna «Türkmenaragatnaşyk» agentliginiň Politehniki orta hünär okuw mekdebiniň mugallymlary we  talyp ýaşlary hem uly ruhubelentlik bilen işjeň gatnaşýarlar.

Şu gün — 3-nji aprelde Politehniki orta hünär okuw mekdebiniň sport zalynda we sport meýdançasynda geçirilen sport ýaryşlary hem sagdyn durmuş ýörelgeleriniň barha giň gerime eýe bolýandygyna hem-de ýaş nesliň sagdyn durmuş ýörelgesini saýlap alýandygyna aýdyň şaýatlyk etdi. Şowhunly çäre diýseň ýokary derejede geçdi.

Ata Watanymyzda ýaşlaryň beden hem ruhy taýdan sagdyn, kämil şahsyýetlar bolup ýetişmekleri, döwrebap bilim-terbiýe we hünär almaklary üçin döredilýän mümkinçiliklerden ruhlanyp, röwşen ertirimiziň eýeleri bolan nesiller ylym-bilimde, sportda öz başarnyklaryny görkezýärler hem-de uly üstünliklere eýe bolýarlar.