Magtymguly Pyragynyň doglan gününiň 300 ýyllygy mynasybetli geçirilýän dabaralaryň çäklerinde Russiýa Federasiýasynyň Astrahan oblastynyň Funtowo obasynda ýerleşen Magtymguly Pyragy adyndaky mekdepde «Pähim-paýhas ummany, Magtymguly Pyragy» atly döredijilik düzme bäsleşiginiň ýeňijilerini sylaglamak dabarasy bolup geçdi.

Milli wekiliýetiň başlygy döredijilik bäsleşiginiň ýeňijilerine Türkmenistanyň Prezidenti Serdar Berdimuhamedowyň adyndan Türkmenistanyň Bilim ministrliginiň gymmatly sowgatlaryny we diplomlaryny gowşurdy. Baýrakly orunlara Magtymguly Pyragy adyndaky mekdebiň okuwçylary Aýlina Satlykowa, Amir Amanow, Marsel Galiullin, Sofiýa Plaşenkowa, Tatýana Lýalina we Ramina Kaliýewa dagy mynasyp boldy.