“Toyota Corolla” kysymly täze awtoulaglaryň 530 sanysy paýtagtyň taksi parkynyň üstüni ýetirdi. Ulaglar döwrebap enjamlar bilen enjamlaşdyrylan we ýolagçylara hyzmat etmäge taýýar.

Şeýle hem, täze awtoulaglar “Türkmenawtoulaglary” agentliginiň welaýat bölümlerine gowşuryldy. Welaýat awtoparklary ýapon “Toyota Corolla” we Günorta Koreýanyň “Hyundai Elantra” ýeňil awtoulaglaryny kabul etdiler.  Ahal welaýatyna ulaglaryň 50 sanysy, Balkan welaýatyna – 34-si, Daşoguza – 80 sanysy, Lebap we Mary welaýatlarynyň hersine täze taksileriň 85-si ugradyldy.