Sian – Hytaýyň merkezindäki esasy şäher we Şensi welaýatynyň paýtagty ýakyn wagtda Aşgabat we Duşanbe howa gatnawlaryny ýola goýmagy meýilleşdirýär. Bu barada Sian Ösüş we Özgertmeler toparynyň müdiriniň orunbasary Wan Kaý şenbe güni: «Ýük gatnawlary gaýtadan dikeldildi hem-de açyldy we biz Merkezi Aziýa sebitiniň bäş ýurduny doly gurşap almak üçin gysga wagtda Merkezi Aziýa ýurtlaryna – Duşanbe, Täjigistan we Aşgabat, Türkmenistan ýurtlaryna iki täze gatnawy açarys», - diýdi diýip, Economic Daily habar berýär.

21-nji aprelde ilkinji Air China uçary 63 ýolagçyny alyp, Sian - Sýanýan halkara howa menzilinden Gazagystanyň Astana şäherine ugrady. Şu ýylyň başyndan bäri Sian-dan Almaty, Daşkent we Bişkek şäherine barýan ýolagçy ugurlary açyldy. Mundan başga-da, Sian-dan Almaty we Daşkende ýük gatnawlary hem hereket edýär.

Şensi welaýat häkimliginiň häkiminiň orunbasary we Sian şäheriniň häkiminiň wezipesini wagtlaýyn ýerine ýetiriji Ýe. Nýupin, Sianyň ýurduň merkezi şäheri we möhüm derwezesi hökmünde halkara awiasiýa merkezini we China-Europe Express Changan ýük merkezini gurmagy maksat edinýändigini we ýokary netijelilik, arzan bahaly we ajaýyp hyzmat bilen halkara söwda kanalyny döretmek üçin ähli tagallalary edýändigini aýtdy.

Sian howa menzili, ýük dolanyşygynyň ösüşi boýunça Hytaý howa menzilleriniň arasynda birinji orny eýeleýär.