Her gün Türkmenistanyň Senagatçylar we Telekeçiler Bileleşiginiň agzasy, telekeçi Hojamyrat Hojanyýazow guşlar toplumy 120 müňden gowrak ýumurtga alýar. Bu barada "Rysgal" gazetinde habar berilýär.

Ahal welaýatnyň Ak Bugdaý etrabynda ýerleşýän guş toplumynda 130 müňden gowrak towuk saklanýar we olardan alnan ýumurtgalar ýurduň söwda nokatlaryna iberilýär.

Hasabata görä, bu ýerde towuk iýminiň düzümi ýokumly maddalara baý ýöriteleşdirilen iýmit fabrigi işleýär. Iýmit fabriginde rezin we tritikale ýaly ösümlikler gaýtadan işlenýär we guş iýmine öwrülýär.

Hojamyrat Hojanyýazow, şeýle hem, Ahal welaýatynyň Kaka etrabynda döwlet tarapyndan bölünip berlen 500 gektar meýdanda dürli görnüşli oba hojalyk ekinlerini ösdürip ýetişdirmek bilen meşgullanýar.