6-njy maýda Türkmenistanyň Naýbaşy futzal ligasynyň ikinji tapgyrynyň duşuşyklary geçirildi. 

Tapgyr toparlaryň ýaryş tertibindäki orunlaryny aýdyňlaşdyrdy. Bu tapgyrda «Turan» toparyndan üstün çykan «Senagatbank» toplan alty utugy bilen ýaryş tertibiniň başynda ýerleşdi. Mergen Ataýewiň şägirtleri Daşoguz welaýatynyň toparyny uly hasap bilen ýeňmegiň hötdesinden geldiler — 6:3.

Naýbaşy futzal ligasynda birinji duşuşygyny geçiren «Deňizçi» topary «Köpetdagdan» 4:1 hasabynda üstün çykdy. Tapgyryň ýene-de bir duşuşygynda «Migrasiýa» TNGIZT toparyny 3:2 ýeňlişe sezewar etdi.

Şeýlelikde, geçirilen duşuşyklardan soň ikinji, üçünji orunlarda 3 utukdan toplan «Deňizçi» bilen «Migrasiýa» toparlary ornaşdylar. Muňa garamazdan, «Deňizçiniň» ätiýaçda bir duşuşygynyň bardygyny bellemek gerek. Bu topar birinji tapgyrdan galan şol duşuşygyny şu gün — 7-nji maýda «Turanyň» garşysyna geçirer.