Nepalda 5360 metr belentlikdäki Ewerestiň esasy lagerinde täsin «Ever-Сhess» küşt ýaryşy tamamlandy. Umuman, türgenler Lukla şäherinden başlap, esasy lagere çenli ýedi günde 50 kilometrlik ýoly geçdiler we 2860 metr beýiklikden 5364 metr belentlige çykmaly boldular.

Bu ýaryş Russiýanyň Küşt federasiýasy we «Клуб 7 вершин» kluby tarapyndan guraldy. «Ever-Сhess» ýaryşynyň umumy baýrak gaznasy 7 million rubl boldy.

Şweýsar ulgamy esasynda, bu ýaryşa iň saýlama rus we nepal küştçileriniň 18-si gatnaşdy.

Bu ýerde russiýaly Aleksandr Rýazantsew ýeňiş gazandy.

Ewerestiň Jomolungma diýlip atlandyrylýan nokady Ýer ýüzüniň iň beýik belentligidir (8848.86 metr). Şeýlelik bilen, «Ever-Сhess» ýaryşynyň çäginde oýunçylar Ýeriň iň belent nokadynda küşt oýnadylar.