23 — 26-njy maý aralygynda Stambulda «Automechanika Stambul – 2024» diýen at bilen awtoulag komponentleriniň, enjamlarynyň we satuwdan soňky hyzmatlaryň halkara sergisi geçiriler. 17-nji gezek geçirilýän ähmiýetli platforma Ýewropadan, Ýakyn Gündogardan, Afrikadan we GDA ýurtlaryndan awtoulag senagtynyň öňdebaryjylaryny bir ýere jemlär. Foruma 50 ýurtdan 1500-den gowrak tarapyň gatnaşjakdygy yglan edildi. Munuň özi GDA-nyň professional hünärmenleri we awtoulag höwesjeňleri üçin awtoulag bölekleri, enjamlary we satuwdan soňky hyzmatlar pudagyndaky global tendensiýalar bilen tanyşmak üçin ajaýyp mümkinçilik bolar. «Automechanika Stambul» häzirki zaman tehnologiýalaryny alyş-çalyş etmek üçin iň çalt ösýän platformalaryň biridir. Bu hakykaty bu sergä 2023-nji ýylda 2022-nji ýyldakydan 20% köp hünärmeniň gatnaşandygy hem aýdyň tassyklaýar. Mahlasy, foruma 58 müňden gowrak adam gatnaşypdy.

Bu ýere gelýänler halkara konferensiýalary, tegelek stollary, interaktiw seminarlary we senagatyň şu görnüşiniň öňdebaryjy hünärmenleriniň ussatlyk sapaklaryny öz içine alýan giň iş meýilnamasyndan lezzet alarlar. Täze möwsümde sergi satuwdan soňky awtoulag hyzmatynyň ähli zynjyryny birleşdirer. Hereket we alternatiw hereketlendiriji ulgamlar üçin täzeliklere aýratyn uly ähmiýet berler. Myhmanlar ADAS-dan başlap, anyklaýyş, energiýa beriş stansiýalaryna we mehaniki hyzmatlara çenli iň täze tehnologiýalary hödürlejek «Mobility for Innovation» sebitine baryp bilerler. Ara alyp maslahatlaşmagyň esasy temalary, «Automechanika» akademiýasynyň we ulaglaryň gabarasyny abatlaýyş pudagynyň halkara simpoziumynyň çägindäki interaktiw seminarlar bolar.

Türkiýe global kompaniýalar üçin alternatiw gözleg merkezi hökmünde ýüze çykýan global awtoulag öndürijileri tarapyndan ähmiýetli önümçilik merkezi hökmünde saýlandy. Şu ýyl «Automechanika Stambul» ähli gatnaşyjylara ösýän bazary öwrenmäge we işewür gatnaşyklary ýola goýmaga mümkinçilik döreder.