«Aeroflot» «Birleşdirilen awiagurluşyk korporasiýasy» köpçülikleýin paýdarlar jemgyýeti bilen ýurduň özünde öndürilýän uçarlaryň 339-syny almak baradaky şertnamanyň üýtgedilmegini ara alyp maslahatlaşýar. Bu barada kompaniýanyň baş direktory Sergeý Aleksandrowskiý Peterburg halkara ykdysady forumy-2024-iň çäginde « России 24» teleýaýlymyna beren interwýusynda aýtdy.

Häzirki şertnama laýyklykda, Aeroflot» topary 2030-njy ýyla çenli 210 sany «МС-21, 89 SSJ-NEW» («Superjet 100-iň» import üçin niýetlenen nusgasy) we 40 sany «Tu-214» uçaryny lizing şertlerinde almalydy.

«Häzir bu şertnamanyň üýtgedilmegi bilen, binýatlyk nusga garamazdan, floty dolulygyna «МС-21» uçarlaryna geçirmek barada pikir alyşýarys. Biz 339 uçaryň hemmesini «МС-21» nusgasynda almak boýunça gürleşýäris» — diýip, Aleksandrowskiý tassyklady.