Ählumumy ekologiýa gaznasy tarapyndan maliýeleşdirilýän we BMG-niň Ösüş maksatnamasy hem-de Türkmenistanyň Daşky gurşawy goramak  ministrligi tarapyndan amala aşyrylýan “Köpsanly bähbitler üçin Aral deňziniň sebitindäki ýokary tebigy gymmatlygy bolan ekoulgamlary we ýer serişdelerini gorap saklamak hem-de durnukly dolandyrmak” taslamanyň çäklerinde öri meýdanlaryny we aýratyn goralýan tebigy çäkleri durnukly dolandyrmak boýunça okuw maslahaty geçirildi.

Okuw maslahaty Lebap welaýatynyň Dänew etrabynyň Seýdi şäherinde geçirildi hem-de ýerli hünärmenleriň we hususy bölegiň wekilleriniň öri meýdan maldarçylygyny ösdürmekde nazaryýet bilimlerini ýokarlandyrmaga hem-de ukyp-başarnyklaryny kämilleşdirmäge gönükdirildi.

Şeýle hem olar öri meýdanlara baha bermegiň täzeçil usullary bilen tanyşdylar.