20-nji iýunda Çarwadarlaryň V Bütindünýä oýunlaryna taýýarlyk görmek we geçirmek boýunça direksiýa bilen ÝUNISEF-iň hem-de Gazagystanyň arasynda özara düşünişmek hakyndaky Ähtnama gol çekildi.

Ähtnamada çagalaryň hukuklary barada habarlylygy ýokarlandyrmaga, inklýuziwligi üpjün etmäge we oýunlary guramakda tehniki goldaw bermäge gönükdirilen köp sanly başlangyç bar. Hususan-da, ÝUNISEF meýletinçileri taýýarlamaga işjeň gatnaşar, şeýle hem Etno obada çagalar we olaryň ene-atalary üçin okuw çärelerini hem-de interaktiw ussatlyk sapaklaryny geçirer. Ylmy maksatnamanyň çäginde ÝUNISEF çagalar üçin sagdyn we deňagramly iýmitlenmek boýunça halkara ülňülerini hem-de milli gözlegleriň netijelerini paýlaşar.

Bu resminama 2024-nji ýylyň 8 — 13-nji sentýabry aralygynda Astanada geçiriljek sport çäresiniň çäginde inklýuziwligi ösdürmäge we çagalaryň hukuklaryny goramaga gönükdirilen hyzmatdaşlygyň esasyny düzýär.