Pakistanyň Premýer-ministriniň edarasynda Türkmenistanyň Yslamabatdaky ilçisi Atajan Möwlamow bilen Pakistanyň federal ykdysadyýet ministri Ahad Han Çemanyň arasynda duşuşyk geçirildi. Bu barada ilçihananyň resmi saýtynda habar berildi.

Habarda bellenilişi ýaly, duşuşykda ykdysady gatnaşyklary pugtalandyrmak we iki ýurduň arasyndaky hyzmatdaşlygyň täze ugurlaryny öwrenmek meselesi ara alnyp maslahatlaşyldy.

Şeýle hem taraplar ikitaraplaýyn söwda we ykdysady hyzmatdaşlygy güýçlendirmegiň möhümdigini bellediler. Ilçi söwda mukdaryny ýokarlandyrmagyň mümkinçiligini we dürli pudaklara, şol sanda energiýa, infrastruktura we tehnologiýa maýa goýumlary üçin mümkinçiliklere ünsi çekdi.

Federal ykdysadyýet ministri Pakistanyň daşary ýurt maýa goýumlary üçin amatly şert döretmäge ygrarlydygyny mälim etdi we ýurduň ösüşi we durnuklylygy ýokarlandyrmaga gönükdirilen soňky ykdysady özgertmeleri barada pikir alyşdy.

Taraplar ykdysady gatnaşyklary pugtalandyrjakdyklaryny tassykladylar we ikitaraplaýyn gatnaşyklaryň geljegine umyt bildirdiler diýlip, habarda bellenilýär.