Konteýner daşamagyň milli operatory hökmünde «Türkmenistanyň ulag we logistika merkezi» AGPJ (TULM), beýleki operatorlar bilen ýakyn hyzmatdaşlykda, hyzmatlaryň ýokary hilini we ygtybarlylygyny üpjün edýän köp ugurlar boýunça demirýol konteýner ýük daşamalaryny üstünlikli amala aşyrýar.

Hytaýdan Ýakyn Gündogara ýük akymynyň ähmiýetini göz öňünde tutup, 2024-nji ýylyň 23-24-nji aprelinde Pekinde Hytaý-Gazagystan-Türkmenistan-Eýran konteýner otlusynyň we gaýdyşyn ugruny göz öňünde tutup, gatnaşyjy ýurtlar Hytaý Halk Respublikasynyň, Gazagystan Respublikasynyň, Türkmenistanyň we Eýran Yslam Respublikasynyň demir ýollarynyň wekilleriň arasynda dört taraplaýyn gepleşikler geçirildi. Duşuşykda taraplar Hytaý-Gazagystan-Türkmenistan-Eýran konteýner otlylarynyň doly tertibini öwrendiler, bu ugurda konteýner otlylary üçin ýeňillikli nyrhlar barada ylalaşdylar şeýle hem Hytaý-Gazagystan-Türkmenistan-Eýran we yzyna gaýdýan ähli demirýol otlylarynyň bellenen tertibini öwrenmek üçin hünärmenler toparyny döretmek üçin hünärmenleriň bellenilmegini ara alyp maslahatlaşdy.

Mundan başga-da, taraplar 15 gün dowam etjek bu ugur boýunça ýükleri daşamagyň möhleti barada ylalaşdylar.

«Türkmenistanyň ulag we logistika merkezi» AGPJ «KTZ Express» PJ bilen bilelikde 40-futlyk 45 (kyrk bäş) sany konteýnerden (ýük - dürli görnüşli awtoulag bölekleri) ybarat bolan Sian-Altynköl-Bolaşak-Etrek-Tähran ugry boýunça Hytaýyň eksport konteýnerl synag otlusyny gurady.

Şeýle hem, Kum-Etrek-Bolaşak-Altynköl-Iu gaýdyş ugry boýunça 40-futlyk 50 (elli) sany konteýnerden (ýük - gips tozy) ybarat Eýranyň eksport otlusy guraldy. Etrek demir ýol menzilinde konteýner otlusyndaky ýükler gidişin giň koleýadan dar koleýa, gaýdyşyn dar koleýadan giň koleýa geçirildi.