Moskwa şäherinde XII-nji "Taksi" halkara ýewraziýa forumy geçirildi we oňa Türkmenistan hem gatnaşdy. Bu ýyllyk çäre taksi we şäheriň hereketlilik meselelerini ösdürmek boýunça kanunçylyk ulgamyna bagyşlanandyr.

Agentligiň habar berişine görä, "Türkmenawtoululary" agentliginiň wekillerinden ybarat Türkmenistanyň wekilýeti forumyň ýokary derejede guralýan iş programmasynyň bir bölegine gatnaşdy.

Ýewraziýanyň dürli ýurtlaryndan gelen 1500-e golaý gatnaşyjylar - taksi parklaryň we taksi programmalaryň ýolbaşçylary, häkimiýet wekilleri, awtomobil kompaniýalary, IT-kompaniýalar we ekspertler - ulgamyň ähmiýetli meselelerini, şol sanda taksi baradaky kanuna düşündiriş bermek, sürüjileriň ýetmezçiligi, sanly çözgütleri ornaşdyrmak ýaly mowzuklary ara alyp maslahatlaşdylar.

Mundan başga-da, çäräniň çäklerinde awtomobil we IT senagaty önümleri boýunça giň gerimli sergi hem gatnaşyjylara görkezildi.