"Türkmenaragatnaşyk" agentligi günorta koreýaly LS Cable & System kompaniýasynyň wekilleri bilen Türkmenistanda optiki kabelleri üpjün etmek we önümçiligini ýola goýmak meseleleri boýunça wideogepleşikleri geçirdiler.

Taraplar geljekki aragatnaşyklary ylalaşdylar we Özara düşünişmek barada Ähtnama gol çekmek mümkinçiligi, şeýle hem türkmen wekiliýetiniň Günorta Koreýadaky LS zawodyna sapary barada maslahatlaşdylar. Bu barada SNG.TODAY Seuldäki türkmen ilçihanasynyň metbugat gullugyna salgylanyp habar berýär.

Gepleşiklere LS Cable & System kompaniýasynyň optiki kabelleri satmak we öndürmek bölümleriniň wekilleri, şeýle hem "Türkmenaragatnaşyk" agentliginiň başlygynyň orunbasary we infrastrukturany ösdürmek toparynyň ýolbaşçysy gatnaşdylar. Duşuşyk wideokonferensiýa görnüşinde geçirildi.

Bu taraplaryň ilkinji aragatnaşygy däl, mundan ozal olar 2023-nji ýylyň sentýabr aýynda maglumat-aragatnaşyk tehnologiýalary babatda hyzmatdaşlyk meseleleriniň ara alnyp maslahatlaşylan onlaýn duşuşygyny hem geçirilipdiler.