«Balkan» gämi gurluşyk we abatlaýyş zawody «Türkmendeňizderýaýollary» agentligi üçin iki sany gury ýük gämisini gurar. Hormatly Prezidentimiz, Arkadagly Serdarymyz bu baradaky Karara gol çekdi

Ýurdumyzyň milli flotynyň maddy-enjamlaýyn binýadyny kämilleşdirmek maksady bilen guruljak ýük gämileri ýerli hünärmenlerimiz tarapyndan ýerine ýetiriler diýlip, Kararda bellenilýär. 

Gury ýük gämileri dünýäniň söwda-ykdysadyýetinde möhüm orny eýelemek bilen, dürli ýükleriň deňiz ýoly arkaly arzan we netijeli daşalmagyny üpjün edýär. 

Olar ýükleriň dürli görnüşlerini daşamaga niýetlenip, saklamak üçin ýörite şertleri talap etmeýär.