2024-nji oba hojalyk ýylynda Balkan welaýatyndaky Gyzylarbat pagta arassalaýjy kärhanasynda 3,2 müň tonna ýokary hilli pagta süýümi taýýarlanylyp, önümçiligiň ösüş depgininiň ep-esli ýokarlandy. Şonuň ýaly-da, welaýatda ýylyň-ýylyna ýygnalýan pagta hasylyndan içerki we daşarky bazarlarda uly islegden peýdalanýan nah ýüplükleri taýýarlamakda hem önjeýli işler bitirilýär. Bu barada türkmen metbugatynda habar berildi.

Habarda bellenilişi ýaly, sebitde 2024-nji ýylda 198 million manatlyga golaý ýokary hilli nah ýüplükler taýýarlanylyp, önümçiligiň ösüş depgini 153 göterime barabar ýokarlandyryldy. Bu ugurda bitirilen işiň 135 million manatlyga barabary Türkmenistanyň Dokma senagaty ministrliginiň Gyzylarbat şäherindäki «Balkandokma» ýapyk görnüşli paýdarlar jemgyýetiniň, 63 million manatlygy bolsa Senagatçylar we telekeçiler birleşmesiniň agzasy bolan Balkanabatdaky «Batly-Gadam» hususy kärhanasynyň paýyna düşýär.

Bu kärhanalarda taýýarlanylýan pagta süýümi we dürli ölçeglerdäki nah ýüplükler sarp edijileriň ýokary isleginden peýdalanýar diýlip, habarda bellenilýär.