Dubaý ýokary tizlikli syýahatçylyk kapsulalaryny we gün batareýalarynda işleýän demirýol awtobuslaryny gurmaga başlaýandygy barada habar berýär.

 

Dubaýyň Ýol we ulag müdirligi täze we innowasion ulag ulgamlaryny işläp taýýarlamk babatda özara düşünişmek hakynda iki sany ähtnama gol çekdi.

 

Özara düşünişmek hakynda birinji ähtnama Beýik Britaniýada iş alyp barýan we ulag ulgamlaryny işläp taýýarlamakda ýöriteleşen Urban-Mass Company bilen gol çekdi. Bu ylalaşyk dünýäde ilkinji innowasion ulag ulgamy bolan Floc Duo Rail ulgamyny ösdürmegi göz öňünde tutýar. Demirýol görnüşindäki sürüjisiz bu ulgam ulag serişdelerine şäherde çalt we netijeli hereket etmäge mümkinçilik berýär. 

 

Urban-Mass Company esaslandyryjy Riki Sandhu Floc Duo Rail ulgamynyň daşky gurşawa zyýanly zyňyndylary azaltmakda artykmaçlyklara eýedigini nygtady. 

 

RAIL BUS Inc. (ABŞ) kompaniýasy bilen gol çekilen ikinji ähtnama gün batareýalary bilen üpjün edilen köpri boýunça hereket edýän demirýol awtobuslarynyň ulgamyny gurmak bilen baglanyşyklydyr. 

 

Rail Bus Inc. Kompaniýasynyň baş direktory Hatim Ibragim Dubaýyň Ýol we ulag müdirligi bilen hyzmatdaşlygynyň kompaniýanyň şäherde durnukly ulag babatda täzeçil çözgütleri işläp taýýarlamak ýolunda möhüm sahypany açýandygyny belledi.