Russiýanyň «Sanly platformalar» («Цифровые платформы») awtonom täjiriçilik däl guramasynyň Baş direktory Arseniý Şelsin girizilen buýruk esasynda gözleg ulgamynyň birinji setirlerinde açylýan salgylaryň howply bolup biljekdigini duýdurdy. Onuň bellemegine görä, kompaniýalar bu salgylary ulanyjylaryň maglumatlaryny toplamak üçin ulanyp bilerler, olar bolsa soňra agressiw marketingde ulanylýar.

 

Şelsin adatça şeýle çeşmelerde sosial ulgamlar arkaly awtomatiki usulda hasaba almagyň göz öňünde tutulandygyny düşündirdi. Bu ýagdaýda ulanyjynyň sosial ulgamlarda beýan edilen şahsy maglumatlary kompaniýanyň maglumatlar bazasynda jemlenýär. Soňra bu maglumatlar spam ibermek, mahabat maksatly jaň etmek ýa-da hatda kezzaplyk etmek üçin hem ulanylyp bilner.

 

Şelsin sosial fişingden goranmak üçin aşakdaky howpsuzlyk çärelerini berjaý etmegi maslahat berýär:

• Sosial ulgamlardaky sazlamalaryňyzda ýokary gizlinlik derejesine düzüň.

• Sosial ulgamlardaky hasaplaryňyz arkaly beýleki saýtlara girmäň.

• Ygtybarly antiwirus we antifişing programma üpjünçiligini gurnaň.

 

Gözleg ulgamyndaky salgylara gireniňizde seresap boluň we internetdäki şahsy giňişligiňize üns beriň.