Hindistanyň kosmos gözleg guramasy (ISRO) ilkinji «Gaganýan» kosmos gämisini 2025-nji ýylyň ahyryna çenli bortundaky ekipažy bilen orbita ýollamagy meýilleşdirýär. Ýurt 2035-nji ýyla çenli milli orbita stansiýasyny açmagy maksat edinýär.

Muny ISRO-nyň başlygy Şridhar Paniker Somnath 4-nji fewralda bolup geçen Öňdebaryjy gözlegleriň ösüşi üçin «Adi Sankara Trust» baýragynyň gowşurylyş dabarasynda mälim etdi. Ol hindi kosmos stansiýasynyň ilkinji modulynyň 2028-nji ýyla çenli taýýar boljakdygyny aýtdy.

«ISRO Aýdan nusga almak üçin eýýäm «Çandraýan-4» awtomatiki stansiýasynda işleýär» — diýip, Hindi kosmos gözleg guramasynyň başlygy belläp geçdi.

Mundan başga-da, ol ISRO-nyň şu ýylyň üçünji çärýeginde «Vyommitra» atly adama meňzeş roboty kosmosa iberýändigini habar berdi. Adamlar orbita girmezden ozal, «Gaganýan» kosmos gämisiniň durmuş goldaw ulgamlaryny barlap görerler. Guramanyň metbugat gullugynyň habaryna görä, robot orbital modulyň parametrlerine gözegçilik edip, gäminiň alty panelini dolandyryp we uçuş dolandyryş merkeziniň sowallaryna jogap berip biler.