2024-nji ýylyň fewral aýynda Ýaponiýanyň paýtagt prefekturasynyň ýolbaşçylary dünýädäki iň uly yşyk sergisini açmagy meýilleşdirýärler. Ol Tokiodaky administrasiýa binasyna bolmagy meýilleşdiriler diýip, «TASS» habar berýär.

Ýaponiýanyň paýtagtynyň gubernatory Ýuriko Koikeniň aýtmagyna görä, şäher ýolbaşçylary bu ýurduň ýaşaýjylarynyň we daşary ýurtlardan gelen myhmanlaryň bir gezek görmek isleýän täze syýahatçylyk merkezine öwürmegi meýilleşdirýär.

Tokionyň administrasiýasynyň Ginnesiň rekordlar kitabyna eýýäm ýüz tutandygy bellendi. Bu tölegsiz tomaşanyň 25-nji fewralda başlamagy meýilleşdirildi. Şeýle hem, her agşam Tokionyň dolandyryş binalarynyň tutuş toplumyny öz içine alýan sergini geçirmek meýilnamada görkezildi.

Ginnesiň rekordlar kitabynyň hünärmenleri açylyş güni ýagtylyk sergisine baryp görerler. Ondan soň taslamany öwrenmeli we Ginnesiň rekordlar kitabyna girizmegiň mümkinçiligini kesgitlemeli bolarlar.