Gyzyl deňiz ykdysady çökgünligi sebäpli, üpjünçilik zynjyrynyň kesilmegi kompaniýalary Aziýadan Ýewropa ozalky ugurlaryň ornuny tutup biljek täze ulag ýollaryny gözlemäge mejbur edýär.

Deňiz we howa gatnawlarynyň nyrhlaryny yzarlaýan «Xeneta» platformasynyň maglumatlary ýylyň 2-nji senenama hepdesinde Wýetnamdan Ýewropa ýollanylýan howa ýükleriniň mukdarynyň şondan öňki hepdä garanyňda 62% ýokarlanandygyny görkezýär. Munuň özi 2023-nji ýylyň iň ýokary netije bilen jemlenen hepdesinden (oktýabr aýynda bellige alnan hepde) 6%, 2023-nji ýylyň ýanwar aýynyň ikinji hepdesinden bolsa 16% ýokarydyr.

«Xeneta» platformasynyň bilermenleri ýakyn iki hepdäniň bu ösüş ugrunyň durnuklylygyny ýa-da beýle däldigini görkezjekdigine ynanýarlar. Häzirki wagtda bazarda howa ýük kuwwatynyň ýeterlikdigini bellemek gerek. Ýöne howa ýük ulaglaryna bolan islegiň has hem artmagy bar bolan kuwwatyň azalmagyna we netijede bahalaryň çalt ýokarlanmagyna sebäp bolup biler.