Türkmenistanyň nebit we gaz kondensatyny çykaryjylar ýanwar aýy boýunça önümçilik meýilnamasyny 100,3 göterim ýerine ýetirdiler. Hususan-da, “Türkmennebit” döwlet konserni tarapyndan nebit çykarmagyň meýilnamasy 100,1 göterime deň boldy. Konserniň nebiti gaýtadan işleýän zawodlary tarapyndan nebiti gaýtadan işlemegiň meýilnamasy 101,9 göterim berjaý edildi. Bu barada wise-premýer Batyr Amanow anna güni geçirilen Ministrler Kabinetiniň mejlisinde hasabat berdi.

Geçen aýda benzinleri öndürmegiň meýilnamasynyň 101,1 göterim, dizel ýangyjyny öndürmegiň meýilnamasynyň 104 göterim, polipropilen öndürmegiň meýilnamasynyň 103,5 göterim, çalgy ýaglaryny öndürmegiň meýilnamasynyň 114,5 göterim ýerine ýetirilendigini habar berdi.

Suwuklandyrylan gazy öndürmegiň ösüş depgini 109,6 göterime deň boldy.