Türkmenistanyň BMG-nyň Ženewadaky edarasyndaky hemişelik wekili Wepa Hajiýew Halkara ýol ulaglary bileleşiginiň baş sekretary Umberto de Pretto bilen duşuşdy. Bu barada türkmen diplomatik wekilhanasynyň metbugat gullugy habar berýär.

Diplomatik wekilhananyň metbugat beýanatynda şeýle diýilýär: "Taraplar häzirki gatnaşyklary güýçlendirmek mümkinçiligine, şeýle hem ozal gazanylan şertnamalary durmuşa geçirmek üçin anyk çärelere garadylar".

Umberto de Pretto, Türkmenistanyň global ulag we logistika ulgamynyň ösmegine goşan goşandyny birnäçe gezek belläp geçdi, esasan hem ýurduň halkara ýük gatnawlarynyň proseduralaryny girizmekde üstünlik gazanmagyna, şeýle hem sanlylaşdyrmak ugrundaky beýleki görülýän çärelere üns çekdi.